
Tekitl tlen tlanehnewiya
"Tlahtolchikawalistli ika masewalkuikalistli"
Noyolikniwah: Ika ni Teposamoch tihyolchikawah nawatlahtoli. Ika miyak pakilistli inmechmaktilia Kuikalistli, Tlapitsali iwan Tlatsotsonali tlen mochiwa ipan Kuextekapan tlali. Inmechnextilia tlatemolistekitl tlen ika nimonextia ipan Maestriah ipan Totlahtol iwan Tonemilis. Inelwayotipah Weyitlamachtiloya Chalchikuepan tlali. Xikonmawisokah.
¿Ahkeya na?

Na notokah Porfirio.
Na niewa Chalinko, Hidalgo
Nimomachtia Maestriah ipan Totlahtol iwan Tonemilis.
Tlatskitok Inelwayotipah Weyitlamachtiloya Chalchikuepan Tlali.
Nitemachtia kuikalmeh, tlatsotsontli iwan tlapitsali ika nawatlahtoli.
Tlah tihneki timomachtis nawatlahtoli tinechtemo nochah.

Tlatemolistekitl
Tlahtolchikawalistli ika kuextekakuikalistli ipan Chalinko, Koahtla, Hidalgo
Ipan Chinanko Chalinko, ipan 1990 xiwitl nochimeh tlahtoyayah ika nawatl aman ipan 2023 xiwitl temotok masewalmeh tlen nawatlahtowah.
Miyak masewalmeh kistehtokeh, sekih ayok nawatlahtowah, ininkonewah amo nawatlahtowah, tlen moskaltiah tlahtowah kastiyah iwan kentsi nawatl.
Yeka nihyehyekowa se tekitl ika kuikalistli, tlatsotsontli iwan tlapitsalistli tihchikawaltiah nawatlahtoli.
Tlaxexeloli
Tlatemolistekitl tlen ika nimoaxitia Maestriah ipan Totlahtol iwan Tonemilis kikonana eyi tlaxexeloli.

Tlaxexeloli Se
Owihkayotl iwan Weyiasitilistli
Totlahtol tlawel ipatih, yeka moneki kuali tikixmatiseh. Nohkia tihmanawiseh ika tlahkuiloli, ika tlapowali. Moneki kuali Owihkayotl tihkonanaseh kehino tikasiseh se Weyiasitlistli tlen tihnewiyah.
"Tlahtolchikawalistli ika kuextekakuikalistli"

Tlaxexeloli Ome
Kani mochiwa tlatemolistekitl
Ipan masewalchinanko tlantiah totlahtol. Chalinko maskeh wehka yetok nawatlahtoli tlantih, achiyok motekiwiya kastiyah ipan tlaolocholi. Tikitah tlen panotiyahtok ipan omepowali xiwitl.


Tlaxexeloli Eyi
Tlahtolchikawalistli ika masewalkuikalistli
Chalinko yetok ipan Kuextekapan tlali, kenihki miyak chinankomeh moxikohtok ika miyak tlahlamikilistli.
Ika kuikalistli masewaltlatsotsontli iwan masewal tlapitsali moyolchikawa.
ipan ni tlaxexeloli nesi kenihkatsa kichiwa se tekitl ika konemeh iwan telpokameh tlen kiyehyekowah nawatlahtoli ika nawakuikalistli.
![Tlatemolistekitl [Tamaño original]_edited.jpg](https://static.wixstatic.com/media/c794b2_7df62b45165f406cba03721ae6ab2063~mv2.jpg/v1/fill/w_600,h_1500,al_c,q_85,usm_0.66_1.00_0.01,enc_avif,quality_auto/Tlatemolistekitl%20%5BTama%C3%B1o%20original%5D_edited.jpg)


WELCOME
Welcome visitors to your site with a short, engaging introduction. Double click to edit and add your own text.


Masewalmeh kiyolchikawah nawatlahtoli
Sitlalkonemeh
Siwapilmeh, okichpilmeh iwan ichpokameh, telpokameh
kiyehyekowah kuikalistli ika nawatlahtoli

Xawantsi
Ipan 1983 xiwitl pehki nimomachtia nitlatsotsona, Neya Nikihkuiloh se wikalistli tlen mihtotiah Tlanawatilpah mekohmeh iwan Kuamanchihmeh nohkia mihtotiah Kolimeh ipan Mihkailwitl-Xantola. Nihtenkixtiyaya nihyekchihki xochitlahtoli nopaya kuikalistli. Nihtokaxtik “Xawantsi” panpa nopa se tlakatsih tlitl iteko wewehsasanili mopowa nika kuextekapah. Nikah xikixmatikah:
Tiasikohya kompa
Tiwalowi ipan ni altépetl,
Tihwalika pakilistli
Ipan toyolo miyak xochitl.
Tohwanti timasewalmeh
Tikonih se kuali kochtli
Tiyowih tomila ihnaltsi
Tihkuitihya se elotsi.
No toka Xawantsi
Nihtemowa se ichpokatsi
Aman kena nitekitia
Nelia yehyektsi ne nomila.
Yehyektsi nosiwapil
Kixamania nextamali
Ikuitlapa ipilokichpil
Pampa asikia inamik.
